شكله مات ! **********بقلم الشاعر بهاءاللبودي
شكله مات !
**********
بيوت بناها العنكبووت
قطرى بيهرب منى تووت
شجره بتطرح اخطبوط
لاا طرح تين ولاا حب توت
*
عمرى بيجرى من سكات
عينى بتبكى علّى فات
وانا اللى متلثم حداد
بصرخ يا ناس
النجده فين ؟!
انا اللى متعذب سنين
انا اللى ليلى كان سواد
انا اللى بايت فاضهاد
لا نجمه طاله فدربنا
لا قمره فيه ولاا رجى
*
انا اللى بنده بالساعات
للفرح عندى
شكله مات !!
وحدى بكلم ذكريات
اطلال مبانى لحبنا
صوره فبالى لحلمنا
مغلوشه منغمشه
ما ظاهر فيها حتى انا
*
الفرح عندى شكله مات
*
كل الحياه بقت خطوط
داخله فبعض صُد شوت
حاولت احل لغزها ..
صابنى الوهن نابنى الشرود
كل الحياه بقت خطوط
والفرح عندى شكله مات
****
كلمات
بهاء اللبودى
ليست هناك تعليقات:
إرسال تعليق