كل اللى عدى ***بقلم الشاعر ***بهاءاللبودي
كل اللى عدى حمادة
وكل اللى جاى صافيناز
يعنى اقفل التلاجة
واشعل عين البوتجاز
فالسكة جاى حواديت
فالخطة كوم حوارات
معجونة زيت عفاريت
مدهونة كيد ستات
واعمل ساعتها عبيط
تتقل لناره تقيد
تصبر عليها تزيد
واتسلى شوف حركات!
وقبل اما يغدر بيك
فجأه بدون انزار
ترزع قفاه كفّيك
يرجع لاصله حمار
واللى حسبته اباظة.
يطلع على الكسار!
شفته حصان طروادة.
وهو البعيد فشّار !
.....
بقلم بهاء اللبودى
ليست هناك تعليقات:
إرسال تعليق