ماتندهيش- ***بقلم الشاعر ****رمضان الدمرداش

ماتندهيش---كلمات من الواقع

ماتندهيش قلبي رافض رجوعك

قلبك أناني ملهوش أمان

ماتصرخيش ماتهزنيش دموعك

قلبك ظالم باع وخان

مهما تصرخ آهاتك في ضلوعك

خلاص أنسيني فات الآوان

كفاية كلام ماتكمليش موضوعك

مستحيل يرجع تاني الزمان

مهما تبكي مهما كان خضوعك

مش طايق أشوفك نبضي مليان أحزان

أنتي كتبتي النهاية وطفيتي شموعك

ماتندهيش قلبي رافض رجوعك

قلب شاعر--رمضان الدمرداش --مساء الاربعاء-6--4--2016