لو كل الدروب .. ***بقلم الشاعر بهاء اللبودي
لو كل الدروب ..
***
اذا كل السُبل
واتسدت وقلاع من امان
و اتهدت .
لو كل الزهور
دبلانه
وعيون الصغار
زعلانه ...
لو كل الدروب
بتّوُه
أو خان العهود
مشبوه .
اذا حلمك ازاز ؟!
لو مرمر ؟!
أو فص لولى
اتكسر ....
انفض غبار يأسك
انهض وقوم دور
عن حلمك التانى
عن شمعه بتنور ....
ازرع بذور هِمّه
ازرعها و استنّى
اكسر سكات ليلك
بحكايه و كمنجه ....
انشر شذا ورده
حارب ظنون بكره
أو حب
من تانى ....
لسه الحياه حلوه .
ربك كريم والله ....
.
بهاء يسرى
ليست هناك تعليقات:
إرسال تعليق