إسكت بقه وإسمعني مره/بقلم الشاعر/عبدالستار جلال

إسكت بقه وإسمعني مره

مش كل مره أنا هأسمعك

خدعت قلبي الف مره

عمره ما فكر يخدعك

زمن السكات عدي وفات

والحب جوا القلب مات

مش هبكي أبدا ع اللي فات

ولا قلبي تاني هيسمعك0

أسيت كتير وشربت من كاس المرار

والقلب ياما اداك كتير

عايش لحبك ليل نهار

لو كنت حسيت بالغرام

وعرفت يوم معني الوفا

كان قلبي عاشلك ع الدوام

ولا كان في يوم هيودعك0

إنت السبب وأوعي تلوم 

علي حد تاني

بتحب نفسك بس

طول عمرك أناني

ما أقدرش تاني أصدقك

ما أقدرش أبدأ من جديد

أنا أصل قلبي دا عنيد

لو جيت له تاني هيرجعك0