كل صباح / بقلم الأديب / فوزي السيد
كل صباح
========
كل صباح استني اشوفك
واحلف يومي ح يبقي جميل
زي جمالك زي حروفك
شمس بتطلع جوه الليل
==============
باحسد روحي ف حبك جدا
زي مفيش ف الدنيا اتنين
واما الفجر ياروحي بيدن
بادعي اشوفك امتي وفين
==============
اصل با انام علي صورتك دايما
واحضن نفسي كأنك انتي
واحلف اني ما ا سيبك ابدا
عايشه معايا ف قلب مرايتي
================
شفتي يا مصر يا ام الدنيا
حد يحبك قد شعوري
انت حبيبتي الغاليه وروحي
حبك زود عندي غروري
================
مصري بدمي وعضمي ولحمي
كل حياتي كمان مصريه
ارضك زرعك ناسك ح احمي
لو مش ح آكل لقمه طريه
===============
ما هو مش لازم اكون مرتاح
علشان احب ولادي ...وبلدي
حب الوطن الغالي فلاح
مهما بيحصل باعشق ولدي
======================تغريده صباحيه الاديب فوزي السيد
ليست هناك تعليقات:
إرسال تعليق