ياليل / بقلم الشاعره / هدي غريب

ياليل..

سادل ستايرك...

ع السهرانين..

ناسج خيوطك....

بالحنين..

شاهد علي دموع

العاشقين..

ياليل..

ياما فيك كتير حكايات.

فيك الحب اللي ابتدي..

والحب اللي مات..

والحب اللي اندفن

وهو لسه جنين 

ياليل 

في ناس تشوفك ضلمه..

وناس تشوفك نور...

ناس تسهر معاك..

وتتمني بيها تطول..

وناس من كتر الجراح.

تتمني انك تزول...

من كتر بكاها

علي الناي الحزين..

ياليل..

ليك في كل قلب غنوة..

وغنوة العاشقين ..

ماليها الانين 

ياليل..

هدي غريب