بعترف مالقيتش نفسى فى دنيتك
كنت بحاول اقرب تبعدينى بقسوتك
ما شفت منك حنان
ولا عرفت رحمتك
نصيبى كان الحرمان
وهم كانت جنتك
الحل كان بين ايديكى
والكبر هو ازمتك
بعتــرف
انى نادم على الى راح
حبك ملانى بأس جراح
صمت اذانى من النواح
قلبى خلاص لا يستباح
بعترف
لا يجمعنا تانى الطريق
لاعدت عاشق ولا صديق
القرب منك معناة حريق
عالى موجك بحرك غريق
عيونك فقدت سحرها
انطفى ليهم بريق
بعترف
فقدت معاكى الزمان
حتى الاحساس والامان
فقدت كل شيئ جميل
باقى بس لى الانسان
هبحث تانى عن الشعور
يكون لغيرك عندى حضور
اكيد متغير مصيرى
الاقى شمش الاقى نور
بقلم الشاعر/ حاتم صلاح
بــــعتــــــرف
ليست هناك تعليقات:
إرسال تعليق