ميرضيش حد // بقلم الشاعر محمد العربي

ميرضيش حد 

لما تبقا سعيد و راضى 

بالقليل غير اى حد 

و تلقا الحلم قرَب لك 

و ادامك و شايفه بجد 

تمد اديك و مش طايله 

بتجرى عليه و بتحايله 

بيبعد كل متقرَب 

و فيه بينه و بينك سد 

ميرضيش حد 

تقول مكتوب و متقدر 

و بتفكَر لابعد حد 

و يبقا القلب متحضَر 

على الحلم اللى راح و اتهد 

و شفت الفكر و عمايلو 

يروحلو و برضو مش جايلو 

هتفضل صورته جوه عنيك 

و كان حلمك يدوب عالاد 

ميرضيش حد 

بقلمى \ محمد العربى