خلص الكلام .. //بقلم الشاعر// عادل علي

خلص الكلام .. 

لما العيون اتكلمت 

وعرفت عايز يقوللى ايه ...

أول ما أيده سلمت 

انا اللى جابنى شوقى ليه

أول ماعينى لمحت عينيه 

بحنين فى قلبى جريت عليه

حسيت بحاجه طب هى ايه

ولقيتني خايفه مش عارفه ليه 

فى حاجات كتيره اتغيرت

بعد أما روحى اطمنت .... 

من بدرى حاسه باللى فيه

مش هى دى نظره عينيه

واتغيرت لمسه ايديه

شعور فى نفسه عنى مداريه 

فى حاجات كتيره اتغيرت

بعد أما روحى اطمنت ... 

قلبى اللى حبه ذنبه ايه

ليه ...! . فى ثانيه واحده يقلب عليه

يجرالى منه ده كله ليه ..! 

فى حاجات كتيره اتغيرت

بعد أما روحى اطمنت .... 

انا عمرى مافكرت اجرحك 

تجرحني واجى استسمحك 

واول ماعينى بتلمحك 

انسى اللى كان منك قوام

انا عمرى مافكرت اجرحك 

تجرحنى واجى استسمحك

أخدك فى حضنى وافرحك 

وتعيش معايا اجمل غرام

خلاص نسيت كل اللى كان 

فين المحبه فين الحنان

وليالى عشناها بأمان 

ودعت حلمى قبل الأوان 

فى حاجات كتيره اتغيرت 

بعد أما روحى اطمنت .... 

بسهوله قاللى راح زمانى

ناسى لهفته لعطفى وحنانى

مش ده اللى كان هايموت عشانى 

ليه ..؟ بالرخيص باعنى ورمانى

رجعلى خوفى من بكره تانى .... 

فى حاجات كتيره اتغيرت 

بعد أما روحى اطمنت .... 

وف لحظه حسيت انى تايهه 

أيام ومرت ادام عنيا 

وغرام وعدت لياليه فى ثانيه

وسالت نفسى ...؟ 

ازاى ده كله راح من ايديا

فى حاجات كتيره اتغيرت

بعد أما روحى اطمنت .... 

خلص الكلام ......!

بقلمى ------ عادل على