طَلّ الفُلّ / بقلم الشاعر/ بهاء اللبودى
طَلّ الفُلّ
طَلّ الفُلّ
وهلّ بعطره
قصد الكل
ودوّب قلبه
سحر الجمع
برقة طبعه
اه يا انا منه "طِعم اكمنّه"
بايت ليل ونهار ف السكر
رايق البال
على طول متغندر
جوه الننى غلاوته واكتر
نفسى يخف حلاوته يقصّر
قلبى يا ناس 😘
وادى نبضى اتأثر
كل يومين غيرّ كوندنسر
زوّد شوف كهربه بتنور 😉😂
خفّ يا سيدى جمالك عبّر
قلبى "دعييف"
انا لسه صغير. 😉😃🙌
طل الفل بعتلى سلام
وشبك قلبى بأحلى كلام
دوخت انا منه "طِعم إكمنه"
توهت فبحره اديلى ايام
ومنيش عارف
ليه حنينى جارف
بعيونى شايف
قلب السما ابيض ألوان
طل الفل وهل بعطره
خلّى الدنيا تقوم ما تنام
بقلمى بهاء اللبودى
ليست هناك تعليقات:
إرسال تعليق