ياللي ماشيه من غير حجاب / بقلم الشاعر/ أحمد محمد
ياللي ماشيه من غير حجاب
ياللي سايبه جسمك تجاره
يفرحه بيه الشباب
وانتي بكلامهم فرحانه
خافي ربك والعذاب
لبكره تكوني ندمانه
فيه قيامه ونار وعذاب
وف جهنم ذل واهانه
داري جسمك من الديابه
كوني ف الاخلاق مثال
انتي عايشه ف وسط غابه
كوني كنز ف عين الرجال
دنيا غروره دنيا كدابه
اطلبي الشرع الحلال
راجعي نفسك واحسبيها
قبل ما يفوت الاوان
اي كلمه ليه تصدقيها
ليه بتمشي ورا الشطان
اي حاجه مقدور عليها
غير انك تغضبي الرحمان
اللي عايزك تعرفيه
ان انتي باخلاقك حلوه
واللي عايزك تبقي ليه
مش هيشوفك بس كشهوه
هيشوفك كأخته وامه
هيخاف م الناس عليكي
تبقي لحمه وتبقي دمه
يبقا عايش بس ليكي
عايش بيكي
يبقا عايش وكل همه
ازاي يقدر يرضيكي
#فوقي_من_الوهم
#الشاعراحمدمحمد
ليست هناك تعليقات:
إرسال تعليق