بلياتشو/ بقلم الشاعر/ عمرو اللمعى
#بلياتشوبلياتشو سارح فى البلاد
بوزع الفرحه
وبشوفها فى عيون الولاد
شجرة نخيل طارحه
كتاب مفتوح للجميع
جميل اوى رائع بديع
بس الكتاب 100 صفحه
كتباه طيور جارحه
قاعدين مع الولاد !!!
اسمع معايا الحدوته
واوعه تقول ملتوته
قبل ماتجرب ياسيدى
تقف مكان البلياتشو
اول فقره فى العرض
ملعون تراب الارض
اللى خلانى اتنطط
واللى جرحنى مزئطط
وفاكر نفسه شارينى
وضحكه عليا فرض
تانى فقره معايا
فقره نط الحبال
هقول كلام جوايا
فى شعر او موال
اسمعوا واضحكوا يا عيال
اللى انكسر جوايا
مج مش كوبايه
مانا اصلى كلى ازاز
مكسور جوة الحكايه
تالت فقره معايا
لعبه استغمايه
حد يغمى عنيا
يمكن مشوفش تانى
وابطل التاليف
وكتابه الاغانى
واقعد مع الجمهور ثوانى
ندور فى الزمان
على بلياتشو تانى
#عمرواللمعى #البلياتشو
ليست هناك تعليقات:
إرسال تعليق