الصبح لسة ماطلعش / بقلم الشاعر/ علاء الجمالى
الصبح لسة ماطلعش
ولا انا ال لسة نايم
ناديت قلبك ماسمعش
ولا جاني منك نسايم
رحت قايم
من خضتي عليكي
لا شفت مدت ايديكي
ولا شفت االنور ف عينيكي
رجعت نايم
قلت الصبح ماطلعش
والليل مابيبعش
الا وطلعت شمس
وعرفت النهاردة
كما الامس
يطلع من غير عصافير
من غير همس
وعرفت كمان النهار
بيطلع باللمس
وبالتصريح
والناس مراجيح
تجمد مرة ومرة تسيح
والصبح صفيح
معادش بيطلع طاهر
والظاهر
ان انا نايم صاحي
وبصد الريح
لجل يطلعلك صبح
وحبة تفاريح
ليست هناك تعليقات:
إرسال تعليق