يا عطار /بقلم الشاعر /سيد عبد العليم
يا عطار
يا عطار
عطرك نافذ
جدا جدا
م تعديش
قدام الدار
نفسي اندهلك
بس الفكه
عين ف الجنه
و عين ف النار
طب شممني
عطرك شمه
أو شغلني معاك
سمسار
ريحته تخلي
العقل يهوي
قمه يا
سيدي
ف الابهار
خلي شويه
يا عم
ارحمنا
ما تشدش
لينا الأنظار
لا الميه
تطلع ف العالي
و انا مش واخد
ع الابحار
يا عطار
يا عطار
خلي الورد
يخف شويه
حبه عليك
و التانيه علي
أنا مش حمل
العطر يا غالي
عطرك ده
مليان أسرار
سيد عبد العليم
ليست هناك تعليقات:
إرسال تعليق