ساكتة ليه // بقلم الشاعر//احمد صبري
لما يطلع ليكي صوت
ابقي شاوري وإندهيني
يمكن ياخدني الموت
ولا يمكن تلحقيني
انا بتوجع كل يوم
الف ثانية في الدقيقة
بين اهاتي والهموم
بين احلامي الغريق
وانتي واقفة مكانك
ساكتة على تعذذيبي
ومهما اتعب عشانك
ومهما بتقولي حبيبي
الحب في القلب الضعيف
زي اللي خد وما عطا
زي اللي نايم ع الرصيف
بردان ومش لاقي غطا
متفتكريش إني عايش
وإن الحياه مكتوبة ليا
دمعة نزلت بس حايش
الف دمعة جوه عينيا
انا يومي كما اسبوع
والوقت ديما يقطعني
مهما اعطش او اجوع
كان مين بيساْل عني
ميمنيش غيرك عشان
كنت شايفك دنيتي
حسيت فيكي الحنان
بس كانت اخرتي
لحظة ضعف منك
ترميني في الضياع
اوعي تقولي إنك
شارية وقلبي باع
لا يا حبيبتي بلاش
متقوليش كده عني
ولو الكلام ببلاش
قولي اني مستغني
ساكتة ليه إتكلمي
لو عندك اي كلام
لو نويتي تستسلمي
سلمي عليكي السلام
ليست هناك تعليقات:
إرسال تعليق