انا مش ندمانه / بقلم الشاعر/ عادل علي
انا مش ندمانه .....!
وعمرى فى لحظه ماهابكى عليك
بس حزينه .....!
أن أنا صدقت فى لحظه عنيك
صدقت الوهم
وعشت الحلم
وخدنى حنين
اسهر لياليك
كتير الوقت عليا يعدى
وبابقى لوحدى بفكر فيك
واسال روحى ..! .. على اللى جرالى
ما كنت فى حالى
انا كان مالى بس وبيك
ليه ..! .. تخلينى أعيش الحيره ونار الغيره
ليه تسهرنى وتفكرنى ... بشوق لياليك
أيوه حزينه ... ازاى محزنش
على قلب - وحب - ومتقدرش
ياما شاف منك .. متكلمش
أيوه بحبك ...
لكن ...! ... غدرك ليا وظلمك
ابدا تانى
ما هاستحملش
بقلمى ----- عادل على
ليست هناك تعليقات:
إرسال تعليق