قصيدة.. إلى القلب الحزين الصافى//بقلم الشاعر // ابو بكر محمد

قصيدة..

إلى القلب الحزين الصافى

يا غنوة بتغنى ولادى

يا حضن بيدفى ويدادى 

انا نفسي اسأل اسألة

انتى ليه قلبك كدا 

يتعب يدوق مر العيال

ايديك تشيل حمل الجبال

حضنك سكن امن وهوا

يا رشدتة مليانة دوا

تعبك مرار طافح 

فـ عز الضلمة بينازع

ضهرك المجزوع 

اسف يا امى 

انا الجازع 

كام مرة تخدينى

بين ضلعك تهدينى

وانام وكأن قلبك ساهر بيحمينى

شئ مش سخيف 

انى ابقى قدامك ضعيف

ما انتى اللى حميانى

اقلق فـ عز السكون والليل

القاكى جمبي فـ ارجع وانام تانى 

ابعد واسيب ضلك

القى المصايب فوق جبينى ترف

بدعوتك ليا كل البلاوى تخف

روحى نساية 

بتنسي افضالك عليا

اسف يا غالية عملتك ضحية

وانا الضاحى

يا حضن رغم المظالم

على حمايتى ليه صاحي

جايبة منين روحك الغفارة

دا انا عمرى ما استغفرت

يا امى انا ابنك 

زنوبي من عجزك بتملى الارض

كل اللى فيكى شاخ ودا سببى

بواختى وعنادى وقلة ادبي

جايبهم منين انا مش عارف

عينك المطروفة

انا الطارف

حتى فلوسك المصروفة

يا ام الجمايل انا الصارف

ولسه قادرة تحضنينى 

دا انا اللى عجزتك

كنت اسيبك تنبحى فـ حسك

لحد اما باخ 

كنت اشوف تعبك بينزع فـ الجبين

تقولى بموت يبنى 

واقولك امين

مكنتش اعرف معنى الكلام 

كان الكلام بيتزحلق

اشوف روحك بتطلع

اضحك وابحلق

وبعد كل اللى حصل

جاية عايزة تحضنينى 

دا انا كنت فاكرك كرهتينى 

يا جنة مطهرة جبينى

ابوبكر محمد فهيم