شين وكاف / بقلم الشاعره / أمل يونس
شين وكاف
..............
(شين وكاف)
طايرين يحطوا ف كل بيت زي الغراب
ماسكين سلاح إسود خطير ماركة خراب
إوعاك ف يوم تفرق سينينهم بشر (راء)
تبت ف الصوم دا حماية ليك تحت التراب
يا بختك لو فصلت بينهم بحكم (ياء)
يتمطع حظك يغرف هنا جوا الجراب
(حاء وقاف)
دول مظلومين تايهين ف دايرة السراب
لسان بيخاف
خايف يدوق الحق يوم
رغم إن شكه سقاه كتير مر الشراب
الشك له 1000عين
متشيكين،،متهندمين
ماشيين بتوب مرير جذاب
والحق سيف مش لطيف
لحضن قلب مريض كذاب
تعكير اللبن ب (الشين والكاف)
عمره ما يحيي حب صاف
إسمع يا صاحبي لصوت ضمير
شعاره دايما (حاء وقاف)
......................امل يونس
ليست هناك تعليقات:
إرسال تعليق