ودّعينى / بقلم الشاعر/ عبدالله أبوالنجا
**ودّعينى**
ودعينى وانسى كلمه
قلتها فى ليل حزين
ودعينى فكل همسه
كل شكوه بالحنين
كل ليل مخنوق معاكى
كان بيشكى من صفاكى
كلمتك كذبك جفاكى
انت فين والحق فين
انت نجمه فى العلالى
شيفا نفسك شىء وغالى
والغرور لما يلالى
يبعد النور مالعينين
تبقى شايفه الضلمه نور
والنفاق يملاك سرور
والنصيحه تروح تغور
الناصح ده يبقى مين
د اللى بيطبل كتير
واللى بيشكر امير
واللى جاى ينصح حقير
د تلاقيه مالغيرانين
ودعينى ومهما كنتى
مش هتبقى غيرك انتى
مهما قالوا او عملتى
وبكره تثبت السنين
******
عبدالله ابو النجا
ليست هناك تعليقات:
إرسال تعليق