مايهمنيش رجوعك / بقلم الشاعر/ رمضان الدمرداش
مايهمنيش رجوعك---كلمات من الواقع
ماتهزنيش دموعك
انتى أنسانة خاينة
بتخونى كل ثاينة
خونتى قلب حبك
وعلشانك باع الدنيا
جاية تانى راجعة
بين عنيكى دمعة
لا مش هضعف تانى
وبقولك وانتى سامعة
متكمليش موضوعك
مايهمنيش رجوعك
مش طايق أشوف ملامحك
انا مستحيل أسامحك
مش هحن تانى
وأكيد هفرح لجرحك
ماتت كل الامانى
خلاص قلبى أتعلم
ومعاكي ياما أتالم
كان راضى وساكت
ولا عمره لحظة أتكلم
كان بيشوفك بيسلم
زمان كنت بحبك
كنت بقيد شموعك
ما يهمنيش رجوعك
ماتهزنيش دموعك
قلب شاعر-29--9--2015
ليست هناك تعليقات:
إرسال تعليق