بحبك باللى راح منى / بقلم الشاعر/ هانى أدم
بحبك باللى راح منى
و باللى ما راحش و الباقى
عنيك الطيبه المجنونه
عشقى و مرضى و دوائى
صحيح قبلك قابلت كتير
و غنيت ياما على شوقى
لكن بأمانه يا السمرا
ما شوفت ف مره بالمره
حنان يشبه تفاصيلك
و نور فى الضمه يناديلك
يا تايهه ف قلبى دلينى
طريقك فين من اللوعه
و إمتى تصدقى عيونى
اللى تابت بعد نظراتك
حبيبتى يا حاضره ف غيابك
و غايبه ف ذكريات وجعى
سيبينى أشرحلك الحدوته
من أولها لﻵخر
حبيبك وغد م اﻵخر
لقى الغفران ف توب طهرك
لقى السكه اللى ندهتله
و غسلت قلبه من جوه
آدم لقى فيك نور حوا
و كل تفاحته فى صباك
سمارك و الحنين ليك
خطفنى بقوه و هواده
صبح عشقى لعنيك عاده
و إدمان مستحيل أقدر
و لو بخيالى راح أفكر
أغنى لغيرك اﻷغنيه
و أستناها تصفالى
هانى آدم
ليست هناك تعليقات:
إرسال تعليق