أنا مش عارف / بقلم الشاعر/ ابن الخطيب
أنا مش عارف
ليه أنا خايف
كل ما أقرب منك ثانية
بنسى معاكي هموم الدنيا
خايف دايما
أخسر حبي
وحبك عندي نعيم الدنيا
خايف منك
خايف مني
دمعة بتنزل غصبن عني
لما تغيبي عليا في يوم
دايما شايل كل هموم
وأما الشمس الحلوة تلاقي
بسمة ثغرك
ببقى أنا خايف
دايما منها
لتيجي النسمة
وتنكش شعرك
شوفتي أنا عايش
خايف أزاي
أنا مش عارف...
دايما خايف - عامية
بقلمي
ابن الخطيب _ مصر
ليست هناك تعليقات:
إرسال تعليق