قولى إيه بس اللى جابك / بقلم الشاعره / ميرو
قولى إيه بس اللى جابك
عايز إيه تانى جنابك
مش خلاص قولنا إنتهينا
كانوا يومين وخلاص نسينا
والسرير ياما إتملى بدموع عنينا
بتصحى ليه النار دى تانى
ولإمتى بقى هتفضل أنانى
حد قالك إنى ساذجة
تسيبنى مره وانا هتبت فيك وماسكه
بيعتنى لما اشتريتك
سيبت كل الناس وجيتك
وبسهولة كسرت قلبى
لأ بقى إصحى وفوق
وانسى كل حاجة كانت
كل حاجة عليا هانت
ومهما تعمل مش هسامحك
هشوف دموعك ولا هتأثر
بالعكس ده انا ممكن أضحك
أصل جرحك كان كبير
ساب علامة متتعالجش
يمكن لو جراح كبير
حتى برضه ماافتكرش
حبى ليك بقى ذكريات
إتدفن وبسرعة مات
واللى مات عمره ما يرجع
يلا لف تانى وارجع✋
MeRo
ليست هناك تعليقات:
إرسال تعليق