البنت الحلوة الامورة / بقلم الشاعر/ محمد لبيب مصيلحى
************ البنت الحلوة الامورة *******************
---------------------------------------------------------
البنــت الحـــلوة الامــورة----- شطــورة ياخـــواتى شطــورة...
رفعالى الحاجب على الحاجب -- وبتمشى ولا أجدع سنيــورة...
ماشية بدلع خطوطها _____ وبتظهر فى الماشية حـــلاوتها..
بتقــولـــى أنا قلــب الضابط --- أبــو نســــر وكام دبــــــورة...
ده الجســـم فرنساوى جميل ----- والشعــــر أصفـــر وطويل
وبنظــرة توريلى الويــــل _____ والعين لون نهر النيـــل
عــروســـة المولد فى الحته ------ وشقــاوتهــا شقاوة القطـــة
وشفايف بطعــم العسليـــة -------- تحكى عنها الآساطـــيل
الحلوه ماشية بتدلع -------- والكعـــب على الارض يطرقع
والكل واقــف بيعــاكس ----- وأنا قلبى معـــاهم هايفــرقـع
منــا ماشى أعـــد فى خطوتهــا ----- وأحكى للناس غلاوتها
وهــى واقفة بتسمع وعاجبهــا ---- وبتاكل لبـــان بيطرقــع
الكلمة من عينها تجــنن ------ تخــلّى عيـــونى بتلحــــن
وتغنى وتعاكس فيهــــا ------ كأجــدع عــازف وملحـــن
البنـــت الحــلوة الآمــورة ----- شطـــورة والله شطـــورة
خلتــنى شــاعر بمشاعر ---- وبقصيدتى بكتب وبفــنن
------------------------------------------------------------
بقلم --- محمد لبيب مصيلحى
ليست هناك تعليقات:
إرسال تعليق