اول مقلب / فهد النحراوى
،،، ،،،، اول مقلب،،، ،،،،
اياك تتكلم وتجامل
وتقول ف كلام معسول
وتغلف وغلافك كامل
متخبي والزيف مغسول
وهكركر واتفضل غني
مزيكا وطبله وقانون
هسمعلك وهطرطق ودني
وهغير وشي كام لون
وملامح طيبه وبراءه
وهارسملك شجره وزيتون
وهغطي اشعار اوراقه
بعصافير وبلابل وطيور
بتضيع وقتي ف أوهام
اتفرج ع المقلب شوف
راح اقلب افكار توهان
وهخلى وشك مكشوف
اتكلم خد راحتك قول
واشجيني صوتك كلثوم
حبوبي هسمع معقول
تسجيلى سامعه المأمور
اول مقلب هوانت شوفت حاجه
بقلم فهد النحراوى
٢٠١٥/١١/٨
ليست هناك تعليقات:
إرسال تعليق