معرفتنيش / بقلم الشاعره / نجلاء عزت
معرفتنيش
بس انا معرفتنيش
شفت صورتك جوّه عيني
وانت لسّه مشفتنيش
خطوتي لقيت طريقك
ليه طريقك ملقنيش
غنوتي ماتت وفاتت
شرخ ف القلب الحزين
مهما اقولك عن هوايا
مهجتي صرخت كفايه
كفّن القلب بجمودك
ودّعه بالدمعتين
مش هقول عن حلم عاصي
راح اقول عن عمر فات
مركبه ضاعت ف رحلة
شطّه اصبح دومات
جفت الدمعة الاخيرة
نكّس الحب الرايات
:
الام لولو ( نجلاء عزت)
ليست هناك تعليقات:
إرسال تعليق